Неліктен В0078 - «Ветеринария» мамандығына оқуға түстіңіз деген сұраққа Шәкәрім университетінің  2 курс студенті Нұрали Карибаев:

«Кішкентайымнан, мен үшін төрт аяқтылар мен қанаттылардың әлемі – бұл ғажайып және жұмбақ болып көрінді. Менің жануарларға деген махаббатым, құмырсқалар мен мысықтарға, иттер мен құстарға деген бейімділігім және олардың тыныс-тіршілігін бақылау мені ветеринария мамандығына әкелді..

Ветеринарияның мені қызықтыратын тағы бір аспектісі – ғылыми зерттеулер мен инновациялар. Заманауи ветеринария ғылымы ақпараттық технологиялар мен зерттеу әдістерінің арқасында күн сайын жаңарып жатыр. Мен табиғаттың тылсымына еніп, жаңа терапиялар мен диагностика әдістерін зерттеуді, дамыту мен жануарларға жаңа өмір сыйлауды армандаймын.

Сонымен қатар, ветеринария мамандығы – бұл үздіксіз білім алу. Жануарлардың әлемі күрделі, әрі динамикалық, және ветеринар болу үшін әрдайым жаңа білім мен дағдыларды меңгеру қажет. Кәсіби өсу мен дамуға деген ұмтылыс мені осы мамандықты және Шәкәрім университетін  таңдауыма шабыттандырды.

Нәтижесінде, мен ветеринария мамандығын таңдау арқылы ғана емес, өзімнің мызғымас сенімдерімді, арманым мен мақсаттарымды жүзеге асырып, жануарларға қызмет ету арқылы қоғамға пайда әкелуге мүмкіндік аламын. Ветеринария – менің сүйікті ісім, бұл менің жүрегімнің тереңінен шыққан кедергісіз талпынысым. Менің жолым – жануарларға және адамдарға көмек көрсету, олардың өмірлерін жақсартуға белсенді қатысу. Осы себепті ветеринария – мен үшін ең дұрыс таңдау.», - деп жауап берген болатын.

Ендеше, Нұралиге үздіксіз дамып отыратын салада тек қана сәттілік тілейміз!