Арманы бір, мақсаты бір, ізгі достарыңмен бір үйдің баласындай, қуанышты да, қайғыны да бір адамдай бөлісетін қимас достықтын куәсі – студенттік ұйым.
Shakarim University дәстүрлі «Студенттік ұйымдар» жәрмеңкесі ұйымдастырылды. Барлық жәрмеңкелер сияқты бұл да қызықты музыкаға, көптеген ұсыныстар мен таныстыруларға, фотосуреттер мен көрмелерге толы болды.
Студенттік ұйымдардың басты мақсаты – жастар арасында азаматтық-патриоттық және құқықтық тәрбиені қалыптастыру, студенттік өзін-өзі басқаруды дамыту, ұлттық құндылықтарды ұлықтау, білімгерлерді әлеуметтік қолдау, салауатты өмір салтын насихаттау.
Жәрмеңкеге барлық 1 курс студенттері қатысты. Олар мұнда бір-бірімен жақынырақ танысып, өздерінің жандарына жақын ұйымдарға мүше болып кіріп, сабақтан бос уақыттарында шығармашылық өнерлерін шыңдамақ.
Қазіргі таңда оқу орнында 8 студенттік ұйым жұмыс істейді. Олардың қатарына «балмұздақтар» арасынан 1000-нан аса білім алушы мүше болмақ.
