Сыртқы академиялық ұтқырлық
Шетелдік университеттерде академиялық ұтқырлықтан өту үшін құжаттарды дайындау бойынша білім алушыларға арналған нұсқаулық.
Қадам 1. ШЕТЕЛДІК УНИВЕРСИТЕТТІ ТАҢДАЙМЫЗ
Академиялық ұтқырлық бойынша қандай университетте оқығыңыз келетінін анықтау үшін кафедрадағы академиялық ұтқырлық жөніндегі үйлестірушімен кеңесіңіз (немесе Халықаралық ынтымақтастық орталығына хабарласыңыз).
Қадам 2. ШЕТ ТІЛІН МЕҢГЕРУ МӘСЕЛЕСІН ШЕШЕМІЗ
Академиялық ұтқырлық бойынша ҚР БҒМ гранттарына арналған конкурсқа қатысу үшін (екеуінің бірі):
1) IELTS/TOEFL халықаралық емтихандарын тапсырғаны туралы сертификаттарының болуы
2) аталған сертификаттар болмаған жағдайда Сізге Шәкәрім университетінде ағылшын тілінің деңгейін анықтау бойынша тілдік емтихан тапсыру қажет(өтініш үлгісі)
Өз қаражаты есебінен оқу үшін:
1) тілдік емтихан талап етілмейді.
2) Ағылшын тілі бойынша халықаралық сертификаттардың болуы міндетті емес.
3) Сіз тілді меңгеру деңгейін анықтау мақсатында тек әңгімелесуден өтесіз: Түркияға - түрік тілін білу, Қытайға - қытай тілін білу, Еуропа елдеріне, АҚШ - қа және Оңтүстік Кореяға-ағылшын тілін білу. Деңгейі сабақтарды ағылшынша оқуға жеткілікті болуы тиіс.
Қадам 3. ОҚЫТЫЛАТЫН ПӘНДЕРДІҢ ОҚУ АЙЫРМАШЫЛЫҒЫН АНЫҚТАЙМЫЗ
Кафедрадағы өз тобының кураторымен бірге шетелдік университетте оқу үшін пәндерді таңдау керек. Егер шетелдік университеттің оқу жоспарында Шәкәрім университетінің оқу жоспарында жоспарланған міндетті пәндер болмаса, онда сіз осы пәндерді ДОТ форматында меңгеруге өтініш жазуыңыз қажет.
Қадам 4. АКАДЕМИЯЛЫҚ ҰТҚЫРЛЫҚ БОЙЫНША ГРАНТ КОНКУРСЫНА ҚАТЫСУ.
ҚР Білім және ғылым министрлігі жыл сайын сәуір айында сыртқы академиялық ұтқырлыққа арналған гранттарға конкурс жариялайды.
ҚР БжҒМ академиялық ұтқырлығы Еуропа, Оңтүстік-Шығыс Азия және АҚШ-тың жетекші университеттерінде бакалавриат деңгейінде оқуға гранттар ұсынады.
ТҮРКИЯ МЕН РЕСЕЙ УНИВЕРСИТЕТТЕРІНЕ ГРАНТТАР БӨЛІНБЕЙДІ.
Маңызды: ұтқырлық үшін грант тағайындауға қатысу үшін транскрипте сіздің GPA кемінде 3,5 болуы тиіс.
Қаржыландыру республикалық бюджет есебінен жүргізіледі және ұшуды, тұруды (жатақхана немесе пәтер), визалық алымдарды, медициналық сақтандыруды қамтиды.
Қадам 5. АКАДЕМИЯЛЫҚ ҰТҚЫРЛЫҚ БОЙЫНША ОҚУҒА БАРУ ҮШІН ҚҰЖАТТАРДЫ ЖИНАЙМЫЗ
Тізімге сәйкес құжаттарды дайындаңыз. Бұл тізімді барлығы жинайды: өз қаражаты есебінен баратындар және академиялық ұтқырлық грантына ие болғандар.
Қадам 6. ШЕТЕЛГЕ ШЫҒУ ҮШІН ВИЗАНЫ РӘСІМДЕЙМІЗ
Халықаралық ынтымақтастық орталығының үйлестірушісі сіздің құжаттарыңыздың негізінде шетелдік университетке өтініш жібереді. Шәкәрім университетіне жауап ретінде сіздің атыңызға шақыру хат жіберіледі.
Шақыру хатын алғаннан кейін сіз оқуға бару үшін виза ала аласыз.
Виза алу үшін қажет
1. Оқитын елдің Қазақстандағы консулдығының сайтына кіріңіз (мысалы: Нұр-Сұлтандағы Польша консулдығы немесе Алматыдағы Польша консулдығы).
2. Визаның түрін білу;
3. Консулдықтан Семей қаласы қай аймаққа жататынын анықтап, қоңырау шалыңыз;
4. Тіркеуден өту және сайтта еркін күн мен уақытты таңдау;
5. Осы виза бойынша консулдыққа ұсыну үшін қажетті құжаттарды жинаңыз;
6. Консулдық орналасқан қалаға келіңіз, барлық құжаттарды беріңіз, виза үшін төлеңіз және виза алғанға дейін чек, талон сақтаңыз.
Қадам 7. ШЫҒУ ҮШІН ҚҰЖАТТАР ПАКЕТІН АЛАМЫЗ
Үйлестірушіден қажетті құжаттарды алыңыз.
Міндетті құжаттар:
1) Конкурсқа қатысуға өтініш (қолмен жазылған, кафедра меңгерушісі мен деканның қолтаңбалармен - Өтініш үлгілерін қараңыз).
2) ҚР азаматы паспортының көшірмесі;
3)ағымдағы үлгерімі туралы Транскрипт (doc.semgu.kz арқылы жүктеу);
4) үміткердің ата-анасының, қамқоршыларының, заңды өкілдерінің жазбаша келісімі;
Қосымша құжаттар (бар болса)
5) ағылшын тілін меңгеру деңгейін растайтын халықаралық деңгейде танылған сертификат (IELTS, TOEFL). Аталған сертификаттар болмаған жағдайда Шәкәрім университетінде тілдік емтихан өткізіледі - Қолмен жазылған өтініш керек, кафедра меңгерушісі мен деканның қолтаңбалармен - Өтініш үлгілерін қараңыз;
6) мамандануы бойынша грамоталардың, сертификаттардың, дипломдардың, алғыс хаттардың (олар болған жағдайда) көшірмелері;;
7) бірге тұратын төрт және одан да көп кәмелетке толмаған балалардың туу туралы куәліктерінің көшірмелері немесе асырап алу туралы сот шешімінің көшірмесі (көп балалы отбасылар үшін);
8) студенттің ата-анасының жоқтығын растайтын құжат (жетімдерге немесе ата-анасының қамқорлығынсыз қалған студенттерге жататын студенттер санаты үшін;
9) студенттің мүгедектігін растайтын құжат (бар болса).
ТҮРКИЯ МЕН РЕСЕЙ УНИВЕРСИТЕТТЕРІНЕ ГРАНТТАР БӨЛІНБЕЙДІ
Академиялық ұтқырлыққа арналған құжаттардың тізбесі
(өз есебінен және ұтқырлыққа грант берілгеннен кейін)
Халықаралық ынтымақтастық орталығының академиялық ұтқырлық бойынша үйлестірушісіне келесі стандартты құжаттар жиынтығын беріңіз (шетелдік ЖОО қосымша құжаттарды сұратуы мүмкін):
- Сыртқы ұтқырлық бағдарламасына қатысу үшін Басқарма төрағасы-Ректордың атына өтініш (қолмен жазылады)
- Білім алушының үлгі бойынша өтініші (MS WORD арқылы толтырылады);
- Орыс және ағылшын тілдеріндегі үлгі бойынша Білім алушының ECTS өтініші (MS WORD арқылы толтырылады)- 3 данадан;
- Оқуға келісім (сайттағы үлгі бойынша MS WORD арқылы толтырылады) - 2 дана;
- Шетелге оқуға баратын Қазақстан Республикасы азаматының сауалнамасы (үлгі сайтта);
- Кафедра мен факультеттің ұсыныс хаттары (ағылшын тілінде) - ағымдағы оқытушылардан немесе сізді өткен семестрден жақсы білетін оқытушылардан, ғылыми жетекшілерден және т. б;
- Мінездеме (ағылшын тілінде);
- Таңдалған семестрге Жеке оқу жоспары (кураторда);
- Білім алушының транскриптінің көшірмесі;
- Фото, формат 3*4 - 2 дана;
- Файл қалтасы-1 дана;
- ЖОЖ (жұмыс оқу жоспарының көшірмесі) – кафедрада алыңыз;
- Төлқұжаттың көшірмесі
- Медициналық анықтама (шетелге шығатындар үшін)
- Академиялық ұтқырлық шеңберінде шетелге оқуға жіберу үшін үміткердің ата-анасының (қамқоршыларының, заңды өкілдерінің) нотариалды куәландырылған жазбаша келісімі.
- Грамоталардың, сертификаттардың, дипломдардың, алғыс хаттардың көшірмелері (бар болса).
Ескертпе: Білім алушының үлгі бойынша өтініші, Оқуға келісім және Білім алушының ECTS өтініші Халықаралық ынтымақтастық орталығының академиялық ұтқырлық бойынша үйлестірушісімен бірлесіп толтырылуы мүмкін.
1. Pittsburg State University, Питтсбург қаласы
1. Быдгощ қаласындағы Экономика университеті, Польша
2. Jan Amos Komenski атындағы қолданбалы ғылымдар университеті Лешно қаласы, Польша