Shakarim University жаңа логотипіне арналған байқау

Байқаудың мақсаты

Shakarim University құндылықтарын, миссиясын және болашақ даму бағытын бейнелейтін заманауи, бірегей және есте қаларлық логотип жасау.

Кімдер қатыса алады?

• Shakarim University студенттері (барлық білім беру деңгейлері);

• Оқытушылар мен ғылыми қызметкерлер.

Қатысу — жеке немесе шығармашылық топ құрамында.

Логотипке қойылатын талаптар

• Мәтіндік бөлігі міндетті түрде болуы керек: Shakarim University;

• Негізгі құндылықтарды көрсету: білім сапасы, инновация, сабақтастық, академиялық еркіндік;

• Заманауилық, ықшамдылық, әмбебаптық;

• Әртүрлі ортада қолдануға бейімділік (сайт, құжаттар, мерч, маңдайшалар);

• Бірегейлік (басқа жұмыстарды көшіруге жол берілмейді).

Қандай материалдар ұсынылуы керек?

• Негізгі логотип (түсті нұсқасы);

• Монохромды нұсқасы (қара-ақ);

• Символ/иконка;

• Тұжырымдаманың қысқаша сипаттамасы (300 сөзге дейін);

• Түстер палитрасы және қолданылған қаріптер;

• Қолдану үлгілері (қалауыңыз бойынша).

Қабылданатын форматтар

• Векторлық файл: .AI, .SVG немесе .EPS;

• Растрлық бейнелер: .PNG, .JPG (300 dpi);

• Материалдар жинағы: .ZIP немесе .RAR.

Байқау мерзімдері

Жұмыстарды қабылдау мерзімі: 2025 жылғы 31 шілдеге дейін

Жүлделер

• I орын: ақшалай сыйлық / құнды сыйлық + сертификат + брендбук әзірлеуге қатысу;

• II және III орындар: естелік сыйлықтар + сертификаттар.

Жұмыстарды қайда жіберу керек?

Барлық байқау материалдарын келесі электрондық поштаға жолдау қажет: n.azatbekuly@shakarim.kz
Хат тақырыбында міндетті түрде көрсетіңіз:
Логотип байқауы – [Қатысушының аты-жөні]

Байқау нәтижелері

Жеңімпазды университет ректоры, дизайнер-оқытушылар, брендинг саласының сарапшылары және студенттік өзін-өзі басқару ұйымының өкілдері кіретін қазылар алқасы анықтайды.