ЖУРНАЛУ "ШӘКӘРІМ" - 20 ЛЕТ!
В текущем году исполняется 20 лет с момента выхода в свет первого номера научно-познавательного журнала «Шәкәрім», который издается по инициативе Шәкәрім университета. Эта дата знаменует собой не просто юбилей отдельного издания, а знаковое событие, способствовавшее становлению целой научной школы.
2004 жылы негізі қаланған журналдың алғашқы нөмірлері кезінде-ақ қазақ руханиятына жаңаша серпін берген еді. Басылымның негізін қалаушылар – белгілі ғалымдар, қоғам және мәдениет қайраткерлері Ерлан Сыдықов пен Тұрдықұл Шаңбай. Олардың бастамасы мен жетекшілігімен жарық көрген журнал қазақ ғылымында тың бағыт – шәкәрімтану ілімінің жүйелі дамуына жол ашты.
Журнал өз бетінде ұлы ойшыл, ақын, ғұлама Шәкәрім Құдайбердіұлының өмірі мен шығармашылығын жан-жақты зерттеуге, оның философиялық және этикалық көзқарастарын қазіргі заманмен байланыстыра зерделеуге арналған мақалаларды тұрақты түрде жариялап келеді.
Осы жиырма жыл ішінде журналдың мазмұны мен ауқымы кеңейіп, ол елтану, абайтану, алаштану, музейтану, фәлсапа, сондай-ақ әдебиет пен өнер салаларын қамтитын беделді ғылыми басылымға айналды. Мұнда тек тәжірибелі ғалымдардың зерттеулері ғана емес, жас зерттеушілер мен қаламгерлердің шығармалары да жарық көріп келеді.
Сондай-ақ журналдың беттерінде қазақ әдебиеті мен мәдениетінің өзекті мәселелерін көтерген мақалалар, тарихи тұлғалар мен ұлттық идея тақырыптары жүйелі түрде талқыланып отырады.
«Шәкәрім» журналы кейінгі жылдары көптомдық «Шәкәрімтану мәселелері» жинағының және ауқымды ғылыми еңбек – «Шәкәрім» энциклопедиясының қалыптасуына негіз болды. Бұл еңбектер бүгінгі таңда шәкәрімтанудың ғылыми базасы ретінде қабылданып отыр.
Журнал мен университет ғалымдарының бірлескен еңбегі нәтижесінде Шәкәрімнің шығармашылық мұрасын зерттеу ісі жаңа деңгейге көтерілді.
Мерейтой аясында қайта ашылған Шәкәрімтану ғылыми орталығының дайындауымен жарық көрген «Родник по имени Шакарим» атты жаңа кітаптың тұсаукесері өтті. Бұл туынды – ұлы тұлғаның рухани әлемін, адамгершілік ұстанымдарын, әлемдік ой кеңістігіндегі орнын көпшілікке танытуды мақсат етеді.
Аталған еңбек Ресей Федерациясындағы Қазақстан Елшілігінің қолдауымен басылып шықты. Бұл – екі ел арасындағы рухани байланыстардың, ғылыми және мәдени ынтымақтастықтың жарқын көрінісі.
Мерейтойға арналған ғылыми-мәдени жиынға университет басшылығы, профессор-оқытушылар құрамы, ғалымдар мен зерттеушілер қатысты.
Іс-шара барысында журналдың 20 жылдық тарихы мен жетістіктері сараланып, оның қазақ ғылымы мен мәдениетіне қосқан үлесі кеңінен айтылды.
Қатысушылар өз пікірлерінде «Шәкәрім» журналының ұлттық руханиятты жаңғыртудағы, ғылыми ойды дамытудағы маңызын ерекше атап өтті.
Жиырма жылдық тарихында «Шәкәрім» журналы ғылыми ой мен ұлттық болмыстың тоғысқан тұғырына айналды. Ол – тек басылым емес, ұлттық идеяны, қазақ рухын, ғылым мен өнерді бір арнаға тоғыстырған рухани мектепке айналды.
