Шәкәрім университетінде «Жұлдызды түлектер» қоғамдық қауымдастық бірлестігі қызметі бастау алды. Қауымдастықтың мақсаты – барлық түлектер арасындағы достастық пен әріптестікті нығайтып, мүдделер мен құндылықтар ортақтығын сақтау, соның арқасында білім ордасының дамуының тұрақтылығы мен үдемелілігін қамтамасыз ету. Міндеті - Қазақстан Республикасының әлеуметтік‑экономикалық мәселелерін шешуге бағытталған түлектердің интеллектуалдық, шығармашылық күштері мен іскерлік әлеуетін біріктіру, сонымен қоса, түлектердің жеке өмірлерінде және өз тәжірибелерінде жиі кездесетін мәселелердің нәтижелі шешімдерін табу, университеттің стратегиялық дамуына жәрдемдесу.
