Бүгін ҚР Ғылым және жоғары білім министрлігі «ЖОО үздік оқытушысы – 2023» байқауының нәтижесін шығарды. Байқауға жоғары оқу орындарының штаттағы, үздіксіз ғылыми-педагогикалық өтілі кемінде 5 жыл, оқытушылық және ғылыми қызметте жоғары жетістіктері бар оқытушылар қатысты. Шәкәрім университетінен 6 үміткер қатысып, оның 5-уі аталған байқаудың жеңімпазы атанды.

«ЖОО үздік оқытушылары – 2023» номинациясының иегерлері:

• Какимова Жайнагүл Хасенқызы- техника ғылымдарының кандидаты, қауымдастырылған профессор;
• Абылкасимова Жібек Ануарбекқызы - PhD доктор, «Экономика және қаржы» кафедрасының қауымдастырылған профессоры;
• Абильмажинов Ермек Төлегенұлы – техника ғылымдарының докторы, профессор;
• Абдилова Ғалия Бекенқызы - техника ғылымдарының кандидаты, қауымдастырылған профессор;
• Жумадилова Гүлмира Аманғазықызы- PhD, «Технологиялық жабдықтар және машина жасау» кафедрасының меңгерушісі.

Айта кетерлігі, Shakarim University профессор-оқытушылар құрамы жыл сайын байқауға қатысып, жеңімпаз атануда.

«ЖОО үздік оқытушысы - 2023» байқауының барлық жеңімпаздарын шын жүректен құттықтаймыз!