Жаңалықтар | "ТАЗА СЕССИЯ" АКЦИЯСЫ

Шәкәрім университетінің баспасөз қызметі29 наурыз 2022студент, акция, сессия

"ТАЗА СЕССИЯ" АКЦИЯСЫ

Жоғары білім беру жүйесінде сыбайлас жемқорлық көріністерінің алдын алу, сондай-ақ студенттер мен оқытушылар арасында адалдық құндылығын кеңінен насихаттау мақсатында бірқатар іс-шаралар кешені жүргізілуде.

Осы ретте, Шәкәрім шаңырағында «AMANAT» партиясы жанындағы «Jas Otan» Жастар қанаты партиясы «Таза сессия» акциясы шеңберінде анонимді сауалнама жүргізді. Сауалнамаға 300-ден астам студенттер, магистранттар мен докторанттар қатысты.

Аталмыш акцияның мақсаты:

Қазақстан Республикасының жоғарғы оқу орындарында сыбайлас жемқорлық фактілерін анықтау;
Құқықтық сананы және студенттердің белсенді азаматтық позициясын қалыптастыру;
Сыбайлас жемқорлыққа қарсы іс-қимыл бойынша заңнаманы бұзу фактілеріне қырағылығын арттыру.

Акция барысында ЖОО-дағы сыбайлас жемқорлықтың қазіргі жай-күйін, оқу үрдісінде сыбайлас жемқорлық әрекеттерінің туындауына себеп болатын негізгі мәселелерді анықтау жоспарланған. Акция жыл сайын жоғарғы оқу орындарында тұрақты түрде өткізіледі.

Тегінде, адам баласы адам баласынан ақыл, ғылым, ар, мінез деген нәрселермен озбақ. Онан басқа нәрсемен оздым ғой демектің бәрі да ақымақтық.

Абай Құнанбайұлы