Министрліктің гранты бойынша академиялық ұтқырлық

ҚР Ғылым және жоғары білім министрлігі бакалавриат білім алушылары үшін 1 семестр ішінде Еуропа, АҚШ және Оңтүстік-Шығыс Азияның жетекші жоғары оқу орындарында академиялық ұтқырлық шеңберінде оқуға гранттар береді.

Жыл сайын грант беру конкурсы наурыз-сәуір айларында жарияланады.

 

Еуропа, Оңтүстік-Шығыс Азия және АҚШ елдерінде академиялық ұтқырлық үшін ҚР Ғылым және жоғары білім министрлігінің грантын алу конкурсына қатысу үшін құжаттар тізбесі:

Өтініштердің үлгілері:

Конкурска қатысу туралы өтініш

Тілдік емтиханға қатысу туралы (IELTS сертификаты болмаған жағдайда)

 

Міндетті құжаттар:

         1) Конкурсқа қатысуға өтініш.

         2) ҚР азаматы паспортының көшірмесі (және сканерленген көшірмесі);

         3) ағымдағы үлгерімі туралы Транскрипт;

         4) үміткердің ата-анасының, қамқоршыларының, заңды өкілдерінің жазбаша келісімі;

 

        Қосымша құжаттар (бар болса)

          5) ағылшын тілін меңгеру деңгейін растайтын халықаралық деңгейде танылған сертификат (IELTS, TOEFL). Аталған сертификаттар болмаған жағдайда Шәкәрім университетінде тілдік емтихан өткізіледі;

           6) мамандануы бойынша грамоталардың, сертификаттардың, дипломдардың, алғыс хаттардың (олар болған жағдайда) көшірмелері;;

          7) бірге тұратын төрт және одан да көп кәмелетке толмаған балалардың туу туралы куәліктерінің көшірмелері немесе асырап алу туралы сот шешімінің көшірмесі (көп балалы отбасылар үшін);

          8) студенттің ата-анасының жоқтығын растайтын құжат (жетімдерге немесе ата-анасының қамқорлығынсыз қалған студенттерге жататын студенттер санаты үшін;

          9) студенттің мүгедектігін растайтын құжат (бар болса).

 

ТҮРКИЯ МЕН РЕСЕЙ УНИВЕРСИТЕТТЕРІНЕ ГРАНТТАР БӨЛІНБЕЙДІ