Бұл шара университеттің жетістіктері мен мерейтойларын атап өтудің маңызды бөлігіне айналады. Ультрамарафон Қазақстан ғана емес, басқа елдерден де қатысушыларды тартатын халықаралық маңызға ие болатынына сенімдіміз. Мұндай іс-шаралардың басты мақсаты – жастар мен халық арасында спортты және салауатты өмір салтын насихаттау ғана емес. Бұл ультрамарафон университеттің 90 жылдығы  болғандықтан, ол ерекше мәнге ие болып, оқиғаның ауқымын одан әрі арттырды.

Бұл шара ұрпақтар бірлігі мен дәстүр сабақтастығының символына айналады деген сенімдемін. Спорттық іс-шараға қатысу – жеңіске деген ерік, жігер мен рухтың көрінісі. Мұндай шаралар денсаулықты нығайтып қана қоймай, жастарды өмір мен мансапқа қажетті  қасиеттерді бойына сіңіруге мүмкіндік береді. Университет спорттық бастамаларды қолдауды және дамытуды жалғастырады.

«Abai joly 100 miles» ультрамарафоны жыл сайынғы дәстүрге айналып, қатысушылар мен Шәкәрім университеті үшін кедергілерді жеңуге деген құштарлық пен жеңіске деген ерік-жігердің символы болмақ. Біздің өңір ерекше. Осы жерде, Абайдың туған жерінде, бір кездері жарылыстар болып, олардың халық тарихында және жадында терең із қалдырғаны белгілі. Бүгінде дәл осы кең далада өткен «Abai joly 100 miles» ультрамарафоны бейбіт заманның және жаңа, жасампаз күштің символына айналып, өңірге жаңа тыныс беріп, оны ұлы өзгерістердің куәсі етіп отыр. Сонымен қатар, бұл оқиға тек спортшылардың ғана емес, Қазақстанның мәдени және тарихи мұрасын сезінгісі келетін туристердің де назарын аудара бастады.

Шәкәрім университеті Абай облысы әкімдігіне, Семей қаласы әкімшілігіне және ультрамарафонды ұйымдастырушыларға шын жүректен өз ризашылығын білдіреді. Ультрамарафонның табысты өтуінен шабыт ала отырып, біз аймаққа деген қызығушылықтың артуына тек бірлескен күш-жігер арқылы қол жеткізуге болатынына сенімдіміз.