Құрметті әріптестер! Құрметті жас оқытушылар қауымдастығы!
Жаңа оқу жылының басталуымен сіздерге Shakarim University дамуына қосқан баға жетпес үлестеріңіз үшін шын жүректен алғыс білдіремін. Біз жаңа кезеңнің қарсаңында тұрмыз және университетіміздің өткен трансформациясы тек формальдылық емес, уақыт талабы, біз қабылдаған және сәтті жүзеге асырылатын сынақ.
Биыл университетке 90 жыл толып отыр. Біз – даңқты дәстүрдің мұрагеріміз, ардагерлердің жетістіктерін сақтаймыз және одан әрі арттыра түсеміз, сондай-ақ, жас мамандар базасын нығайтамыз. Университеттің бүгінгі трансформациясы, сіздер көріп отырған барлық өзгерістер университеттің өңірдің жетекші білім беру және ғылыми орталығы ретіндегі ұстанымын нығайтуға бағытталған. Shakarim University қызметінің барлық жылдарында алғаш рет факультеттердің орнына зерттеу және жоғары мектептерге негізделген мүлдем жаңа, айрықша құрылым енгізілді. Осындай маңызды қадамдар инновацияларды білім беру үдерісіне тереңірек енгізуге, ғылымның практикамен байланысын нығайтуға мүмкіндік береді.
Бүгін Қазақстан Республикасының Президенті Қ. Тоқаевтың 2023 жылғы 1 қыркүйектегі Жолдауын еске салғым келеді, онда «Танымал шетелдік Агрономия орталықтарымен толыққанды ғылыми-практикалық ынтымақтастық, ..., білім беру бағдарламаларын аграрлық сектордың қажеттіліктеріне бейімдеу» міндеті қойылды. Көріп отырғанымыздай, қойылған тапсырмалар өз шешімін табуда. Бүгінгі таңда Қазақстан-Қытай ауыл шаруашылығы ғылымдары мен білім беру орталығы үш қазақстандық және бір қытайлық мамандандырылған университетті біріктіреді. Шешім ағымдағы жылдың 3 шілдесінде ШЫҰ елдері саммиті жұмысының бірінші күні қабылданды.
Shakarim University, С. Сейфуллинатындағы Қазақ агротехникалық зерттеу университеті, М.Қозыбаев атындағы Солтүстік Қазақстан университеті және Қытайдың солтүстік-батыс ауыл шаруашылығы және орман технологиялары университеті арасындағы келісім Қазақстан-Қытай ауыл шаруашылығы ғылымы және білім беру орталығын бірлесіп құру туралы аграрлық секторды дамытудың жаңа кезеңін белгілейді. Биыл агроөнеркәсіптік кешенге арналған білім беру бағдарламаларына бөлінетін мемлекеттік гранттар саны едәуір өсті. Осыған байланысты орман шаруашылығы мамандарын, агрономдарды, биотехнологтарды, экологтарды даярлауға ерекше назар аудару қажет.
Құрметті әріптестер, біздің міндеттеріміз көп қырлы. Біз икемділік пен инновациялық ойлауды қажет ететін қазіргі әлемнің қиындықтарына бейімделуіміз керек. Бұл үдерісте ғалымдар мен оқытушылардың жас буыны ерекше рөл атқарады. Жаңа тәсілдерді енгізу, заманауи технологияларды қолдану және әлемдік стандарттарға сәйкес келетін білім беру бағдарламаларын құру жауапкершілігі дәл сіздерге жүктеледі. Осыған байланысты сіздерді Ғылыми-білім беру процесіне, зерттеу жобаларына белсенді қатысуға, халықаралық деңгейдегі әріптестерімізбен тығыз ынтымақтастықта жұмыс істеуге шақырамын.
Құрметті әріптестер! Жаңа оқу жылы қарсаңында мынаны атап өткім келеді: сіздердің әрқайсыларыңыз бұл процесте маңызды рөл атқарасыздар. Сіздердің еңбектеріңіз, кемелдікке деген ұмтылыстарыңыз алға жылжуға, университеттің позициясын нығайтуға және оны білім алушыларға, түлектер мен серіктестерге қызықты етуге көмектеседі.
Алайда, біздің алдымызда ең күрделі міндеттер тұр. Біз университетті қоғамның заманауи сын-тегеуріндері мен үміттеріне сәйкес келетін жаңа деңгейге шығаруымыз керек. Бірінші кезектегі міндеттердің қатарында ғылыми-зерттеу қызметін күшейту міндеті тұр. Біздің ғылыми орталықтарымыз өңірдің нақты мәселелерін шеше алатын инновациялар мен озық білім көзі болуға тиіс. Студенттерді терең теориялық біліммен ғана емес, сонымен қатар қазіргі еңбек нарығына сәтті кіріктіруге көмектесетін практикалық дағдылармен қамтамасыз ету қажет. Бұл жаңа білім беру технологияларын енгізуді, оқытудың практикалық құрамдас бөлігін күшейтуді, жұмыс берушілерді білім беру процесіне белсенді тартуды талап етеді. Ең маңызды міндет – халықаралық байланыстарды кеңейту болып табылады. Біздің түлектер мемлекеттік деңгейде ғана емес, халықаралық деңгейде де бәсекеге қабілетті болуы тиіс. Бізге инфрақұрылымды жаңғырту, жұмыс пен оқу үшін қолайлы жағдай жасау міндетін шешу керек. Біз тиімді оқыту мен ғылыми зерттеулерге ықпал ететін зертханаларды, аудиторияларды және оқу кеңістіктерін енгізуіміз керек. Біз мұны міндетті түрде жасаймыз!
Біз барлық қиындықтарды еңсеріп, Shakarim University-ді оның даңқты тарихы мен инновациялық-технологиялық болашағына лайықты деңгейге көтере алатынымызға сенімдімін.
Бұл оқу жылы барлығымыз үшін өсу, ашылу және жаңа жетістіктер уақыты болсын.
Құрметті Shakarim University профессорлық-оқытушылық қауымдастығы, жаңа оқу жылының басталуымен!\
Құрметпен және ризашылықпен,
Shakarim University ректоры Думан Орынбеков
