Шәкәрім түлектерінің қауымдастығы
Шәкәрім университеті түлектер қауымдастығы Бақылау кеңесінің төрағасы: Б. Иісбек
Атқару комитетінің төрағасы: Н. Турлыбеков
Түлектер қауымдастығының мақсаты Шәкәрім университетінің жаңа формация мамандарын дайындауына және университет пен оның түлектері арасында өзара ұтымды қарым-қатынас орнату жолында әрекеттесу. Шәкәрім түлектерінің қауымдастығы әр түрлі іс-шаралар, үздіксіз білім алу, on-line (желілік қолма-қол) қызмет көрсетулері, сондай-ақ университет түлектері үшін қарастырылған арнайы шаралар кешені арқылы түлектердің университетпен және оның басқа түлектерімен байланысын үзбей жалғастырып отыруға қолдау көрсетуді көздейді.
Түлектер қауымдастығының миссиясы:
Барша Шәкәрім түлектер буынының ынтымақтастығын күшейту және түлектер бірлігі, олардың өзін-өзі танытуы мен әлеуметтік дамуына ықпал ету.
Түлектер қауымдастығының негізгі міндеттері:
- Түлектердің университетке имидждік қолдау көрсетуі. Яғни, ашық ақпарат қорларынан, түлектердің жаңа лауазымдары туралы университет өзгелерді хабардар етіп отырады. Сонымен қатар, университет түлектері – бизнес өкілдері, БАҚ өкілдері, қоғам қайраткерлері, биліктегі өкілдер туралы ақпарат жиналатын болады.
- Демеушілік қызметті ұйымдастыру, әлеуметтік жағдайы төмен студенттерді қолдау. Сондай-ақ, Альма-матердің қажеттілігі мен мұқтаждықтары туралы түлектерді хабардар ету қауымдастық міндеті болып табылады. Осындай мақсатта пайда болған – «Шәкәрім түлектерінің қауымдастығы» қоғамдық қоры өз жұмысн атқаруда.
- Білім беру бағдарламаларын жүзеге асыру. Түлектердің көпшілігі мастер-класстар мен дәрістерді жоғары дәрежеде өткізеді. Өз кәсіби құпияларымен студенттермен бөліседі.