Шәкәрім университеті өз білім алушыларының шет тілдерін меңгеруіне үлкен мүмкіндік жасауда. 2022 жылдың 01 қарашасынан бастап студенттеріміз ағылшын және түрік тілдері курстарына арнайы жеңілдікпен қатыса бастады.

Курстың мақсаты – білім алушыларға шет тілдерін меңгерту арқылы сыртқы академиялық ұтқырлық бағдарламасының аясын кеңейту, студенттердің тілдік құзыреттіліктерін жетілдіру.

63 білім алушыға тілдік деңгейлік курстарды тәжірибелі оқытушылар өткізуде.

Күтілетін нәтиже – білім алушылардың сөйлесім (оқылым, жазылым, айтылым, тыңдалым) дағдыларын дамыту; шет тілінде еркін де сауатты сөйлеуді, жазуды үйрену; өзге елдің мәдениеті мен тілін білу арқылы білім көкжиегін кеңейту.

Курс көлемі – 48 сағат. Сабақ дәстүрлі форматта аптасына 3 сағат 4 ай бойы жүреді.

 Тілдік курсқа толық қатысып, деңгейлік сынақтан өткен білім алушыларға бекітілген үлгідегі сертификат беріледі.