Табиғатты сақтау мен экологиялық тұрақтылықтың маңыздылығы – бүгінгі күннің басты мәселесі. Абай өңірінде ағаш отырғызу экожүйені сақтауда және қоршаған ортаны байытуда маңызды рөл атқарады. Өкінішке орай, климаттың өзгеруі мен адамның араласуы осы бірегей аймақта өз ізін қалдырды.
Тәрбие мен экологияны біріктірген іс-шарада студенттер мен оқытушылар "Семей орманы" резерватына ағаш отырғызу арқылы өңірдің табиғатын нығайтуға белсенді үлес қосуда.
– Shakarim University Абай облысының табиғаты мен байлығын сақтау мақсатында "Семей орманы" резерватымен бірлесіп, қарағай көшеттерін отырғызуға қатысты. Бұл бастамалар жоғалған ормандарды қалпына келтіруге ықпал етіп қана қоймайды, сонымен қатар студенттерді қоршаған ортаны жақсарту процесіне белсенді қатысуға мүмкіндік береді,- дейді университет ректоры Думан Орынбеков.
Экологияны сақтау үшін күнделікті өмірде саналы шешімдер қабылдау, қоршаған ортаны қорғауға бағытталған заңдар мен бағдарламаларды қолдау және ресурстарды тұрақты тұтынуға ұмтылу қажет.
