Құрметті әріптестер, студенттер, Shakarim University ниеттестері!

Сіздерді келе жатқан Жаңа жыл мерекесімен құттықтаймын!

2024 жыл біз үшін үлкен өзгерістер жылы болды. Біз күрделі жағдайларда да тиімді шешімдер таба алатынымызды, жаңа биіктерге құлаш ұрып, кез келген сын-қатерлерді еңсеруге қабілетті екенімізді дәлелдедік. Бұл жыл университеттің инфрақұрылымды жаңғыртудан бастап халықаралық рейтингтердегі беделімізді нығайтуға дейінгіжүйелі трансформациясының бастауына айналды.

Біз жаңару символы болып қана қоймай, әрі қарайғы өсуімізге негіз болатын басты нысандарды іске қостық. Біздің жұмысымыз заманауи және салыстырмалы түрде қолайлы білім беру ортасын құруға, жаңа мүмкіндіктер ашуға және әлемдік білім беру қауымдастығына интеграцияны күшейтуге мүмкіндік берді. Біз уақыттан озып кетуді әлі үйренбесек те, 2024 жыл бізге уақыт ағымын сезініп, болашақ жетістіктерге негіз қалауды үйретті. Алда ауқымды да маңызды жұмыс тұр.

2025 жылды біз «Жас ғалымдар, студенттер, серпінді технологиялар мен инновациялар жылы» деп жарияладық. Бұл – біз қабылдаған үлкен міндет. Алдағы уақытта біз жаңа ғылыми элитаны қалыптастыру, озық білім беру бағдарламаларын құру, жастарға қолдау жасауды күшейту және университетімізді ғылым мен инновация орталығы ретінде нығайту үшін еңбек етеміз.

Бұл жыл әрбір қадамымыз бен идеямыздың маңыздылығын арттыратын кезең болады. Бізге әлі көп нәрсені үйрену керек, сондықтан студенттеріміз, демек, университетіміз де халықаралық деңгейде бәсекеге қабілетті бола алады.

Shakarim University игілігі үшін атқарған еңбектеріңіз, бастамаларыңыз бен алға қойған қадамдарыңыз үшін әрқайсыңызға алғысымды білдіремін!Жаңа жылда мықты денсаулық, отбасыларыңызға бақ-береке және барлық бастаған істеріңізге сәттілік тілеймін.

Жаңа жыл құтты болсын! 2025 жылжарқын жетістіктер мен биік белестер жылы болсын!

Құрметпен,  Думан Орынбеков