«Қазақстан Халқына» қоғамдық қоры қайырымдылық бағдарламасы аясында бакалавриат дәрежесі бойынша Шәкәрім университетіне 11 білім беру грантын бөлді.

         Бұл бөлінген білім беру  гранттарына Талапкерлердің келесідей санаттары қатыса алады:

         - ауылдық жерлердегі, шағын және моноқалалардағы аз қамтылған отбасыдан шыққан талапкерлер;

         - жетім балалар немесе кәмелетке толғанға дейін ата-анасының қамқорлығынсыз қалған балалар;

         - мүгедектігі бар азаматтар;

         - мүгедек балаларды тәрбиелеп отырған отбасыдан шыққан талапкерлер;

         - 2022 жылғы қаңтардағы қайғылы оқиғалар кезінде қаза тапқан Қазақстан Республикасы азаматтарының балалары;

         - 2022 жылғы қаңтардағы қайғылы оқиғалар кезінде жараланған балалар.

         Бағдарламаға қатысудың шекті жасы 29 жасты құрайды. 

         Жоғары білімі бар адамның, сондай-ақ республикалық немесе жергілікті бюджет қаражаты есебінен мемлекеттік білім беру гранты берілген азаматтардың аталған грантты алуына жол берілмейді.

         «Қазақстан Халқына» қоғамдық қоры бөлген гранттарға қатысу үшін құжаттар қабылдау ағымдағы жылдың 1-17 тамыз аралығында Қабылдау комиссиясы арқылы жүргізіледі.