Алғаш рет "KazTEA" Қазақстан Республикасы ағылшын тілі мұғалімдерінің Ұлттық қауымдастығы Семей қаласының ағылшын тілі мұғалімдерінің қауымдастығымен, Шәкәрім университетімен, Абай облысының білім басқармасымен және Семей қаласының білім бөлімімен бірлесіп "Transfunctional Teacher – Smart Students / Ағылшын тілі мұғалімінің трансфункционалды қасиеттері білімді білім алушының кепілі ретінде" атты халықаралық ғылыми – практикалық конференциясы өтуде.
Конференция цифрландыру дәуірінде оқыту сапасын арттыруға және аралас оқыту / оқытуды енгізу бойынша педагогикалық және техникалық сын-қатерлерді талқылауға, ағылшын тілі мұғалімдері мен оқытушыларының кәсіби деңгейін арттыруға, сондай-ақ оқушылардың әлеуметтік және эмоционалдық жағдайын ескере отырып, 21 ғасырдағы дағдыларды біріктіруге бағытталған. Бұл міндеттер "Білімді ұлт" сапалы білім беру" ұлттық жобасына сәйкес келеді.
Іс-шара аясында пленарлық отырыс, тақырыптық секциялар, постерлік және интерактивті сессиялар, шеберлік сыныптары және Pecha-Kucha өтетін болады. Конференция жұмысына профессор-оқытушылар құрам, Қазақстанның барлық облыстарының ағылшын тілі мұғалімдері мен оқытушылары, сондай-ақ АҚШ Мемлекеттік департаментінің Fulbright бағдарламасы аясында Қазақстанда жұмыс істейтін ағылшын тілін оқыту саласындағы зерттеушілер қатысты. Барлығы 160-тан астам қатысушы.
Негізгі спикерлердің қатарында:
Мерве Карли – Түркияда, Таяу Шығыста, Солтүстік Африка мен Орталық Азияда клиенттермен жұмыс жөніндегі кеңесші, Оксфорд университетінің баспа өкілі;
Саймон Борг – Батыс Норвегия қолданбалы ғылымдар университетінің TESOL профессоры;
Кевин МакКоги – Ташкент қаласындағы ағылшын тілі бағдарламаларының аймақтық кеңсесінің директоры, АҚШ Елшілігі;
Рассэл МакМахон – IT саласындағы құрметті профессор, Цинциннати университеті, АҚШ;
Асия Сулькарнаева – М.Ломоносов атындағы Мәскеу мемлекеттік университетінің Астана қаласындағы филиалының профессоры бар.
Конференция гибридті форматтағы пленарлық отырыспен ашылады. Бұдан әрі конференция жұмысы келесі секциялар бойынша жүргізіледі:
-инновациялық білім беру әдістері (бірлескен оқыту, "төңкерілген" оқыту, геймификация және басқалар);
- Lesson study және іс-әрекеттегі зерттеулер;
- Steam: артықшылықтары мен қиындықтары;
- құзыреттілікке бағытталған бағалау;
-инклюзивті білім беру: ерекше қажеттіліктері бар оқушылар үшін оқу процесін өзгерту;
-жаһандық құзыреттілікті оқыту;
-жоғары білімді білім алушыны оқыту үшін педагогтың трансфункционалды рөлі;
- медиа сауаттылық 21 ғасырдың шеберлігі ретінде.
Конференция қорытындысы бойынша материалдар жинағын шығару қарастырылған.
