Жаңалықтар | ШӘКӘРІМДІКТЕР ТІЛДЕР МЕРЕКЕСІН АТАП ӨТТІ

Шәкәрім университетінің баспасөз қызметі05 қыркүйек 2023студенттер, құттықтау, тілдер мерекесі

ШӘКӘРІМДІКТЕР ТІЛДЕР МЕРЕКЕСІН АТАП ӨТТІ

Бүгін - ел тарихында елеулі күн. Тәуелсіз еліміздің қоғамдық өмірінде өзгеше орын алған мереке барша ұлт өкілдеріне ортақ. Сондықтан да, еліміздің болашағы жастарға мемлекетіміздің тілі – қазақ тілінің мерейін көтеруді, әдебиетіміз бен мәдениетімізді құрметтеп, олардың өз ұлтына, еліне деген сүйіспеншілігін ояту басты назарда болуы қажет.

Осы ретте, Шәкәрім университетінің студенттері таңертеңнен бастап құрылымдық бөлім басшыларын, профессор-оқытушылар құрамы мен қызметкерлерін әуе шарларымен қарсы алып, барлығына тәттілер мен құттықтау тілектерін жолдады.

Айта кететіндігі, рухани мейрамның 5 қыркүйекте тойлануына себеп болған – «Ұлттың сақталуына да, жоғалуына да себеп болатын нәрсенің қуаттысы – тіл» деген ұлағатты сөз қалдырған, қазақ халқының тағдыры мен тілі үшін күрескен Алаш арысы, ұлт ұстазы Ахмет Байтұрсынұлының туған күні.

Өміріңді сарып қыл өлгеніңше,

Жоба тап,
Жол көрсет,
Келешек қамы үшін.

Шәкәрім Құдайбердіұлы