Грант конкурсына құжат қабылдау

Құрметті магистратураға түсушілер!

Магистратура грант конкурсына құжат қабылдау 15-18 желтоқсан аралығында жүргізіледі.

Құжаттарды ЖОО қабылдау комиссиялары немесе виртуалды қабылдау комиссиялары арқылы тапсыра аласыз. Виртуалды комиссиялардың тізімі testcenter.kz сайтындағы «Магистратураға түсушілерге» бөлімінде жарияланған.

Конкурсқа қатысу үшін келесі құжаттарды тапсыру қажет:

Жеке куәліктің көшірмесі;

Жоғары білім туралы құжат (диплом және қосымшасы);

КТ сертификаты;

Шетел тілін меңгергенін растайтын халықаралық сертификаттар (бар болған жағдайда).

Құжат тапсыру кезінде бір мамандық және үш ЖОО көрсетуге болады.

Грант иегерлерінің тізімі 25 желтоқсанға дейін жарияланады.

Сәттілік серік болсын!