Ғылыми кеңес

1. Ғылыми кеңес қызметінің мақсаттары:

• білім беру бағдарламаларын сәтті іске асыру мақсатында білім алушылар мен университеттің профессорлық-оқытушылық құрамы үшін қажетті жағдайлар жасау;

• Университетті қаржылық қолдауды және материалдықтехникалық базасын нығайтуды қамтамасыз ету;

• Университеттің одан әрі дамуына жәрдемдесу.

2. Ғылыми кеңестің құзыреттері:

• Университеттің ұйымдық құрылымы бойынша: университеттің әкімшілік, оқу және ғылыми бөлімдерін (кафедралар, факультеттер, зертханалар және т.б.) құру, қайта ұйымдастыру және тарату жөнінде Директорлар кеңесінің қарауына ұсыныстар енгізеді және қарастырады;

• Университет Жарғысына өзгерістер мен толықтырулар бойынша ұсыныстар енгізу;

• Университеттің даму стратегиясын айқындайды;

• Университеттегі оқу-тәрбие, ғылыми-зерттеу және шаруашылық қызметін ұйымдастырудың барлық негізгі мәселелері бойынша шешімдер қабылдайды;

• ректордың, проректорлардың, құрылымдық бөлім басшыларының оқу, ғылыми-зерттеу, тәрбие, қаржы, шаруашылық, ақпараттық және халықаралық қызметті жүргізу нысандары мен әдістері туралы жыл сайынғы есептерін тыңдайды;

• жоғары білім берудің көп деңгейлі жүйесінде оқыту мерзімдері бойынша мамандар даярлаудың жаңа бағыттарын айқындайды және мемлекеттік жалпыға міндетті білім беру стандарттарына сәйкес білім беру бағдарламаларын бекітеді;

• монографияларды, оқулықтарды, оқу құралдарын және оқуәдістемелік әзірлемелерді қарастырады және басылымға ұсынады;

• білім алушыларды ақылы бөлімнен білім беру грантына ауыстыру туралы шешім қабылдайды;

• Университеттің негізгі мәселелерін қарастырады және әлеуметтік даму шешімдерін қабылдайды;

• оқу-зертханалық және ғылыми-зертханалық базаны дамытудың перспективалық жоспарын қарайды;

• студенттердің дипломдық жұмыстарының тақырыптары мен жетекшілерін, диссертациялық зерттеулер бойынша магистранттар мен докторанттардың ғылыми жетекшілері мен кеңесшілерін бекітеді;

• Университеттің стратегиялық даму жоспарын іске асыруға байланысты мәселелерді қарайды;

• ақылы білім беру қызметтерін көрсету, өндірілетін өнімді коммерцияландыру және өткізу арқылы ЖОО алатын кірістерді қайта инвестициялау бағыттары, сондай-ақ ақшалай қаражатты пайдалану тәртібі бойынша ұсыныстарды қарастырады және Басқармаға ұсынады;

• ішкі тәртіп ережелерін қарастырады және бекітеді;

• ЖОО қызметкерлерін, шығармашылық ұжымдарды үкіметтік наградаларға, ғылыми және құрметті атақтарға, сыйлықтар мен стипендиялар алуға ұсыну, «ЖОО үздік оқытушысы» республикалық конкурсына қатысу үшін кандидаттардың ұсынымдары туралы мәселелерді қарайды;

• алқалы шешімді талап ететін ЖОО қызметінің өзге де мәселелерін қарайды.