Халықаралық ынтымақтастық  орталығы

Халықаралық ынтымақтастық орталығы – бұл университеттің әлемдік білім беру және ғылыми кеңістікке кіруіндегі негізгі буын. Орталық жаһандық байланыстарды дамытады, академиялық мобильділікті ынталандырады және білім мен тәжірибе алмасуға жағдай жасайды.

Негізгі қызет бағыттары:

• Халықаралық байланыстарды дамыту. Шетелдік университеттермен, ғылыми орталықтармен және ұйымдармен серіктестік, ынтымақтастық туралы келісімдерді құру және бірлескен жобаларды іске асыру.

• Академиялық ұтқырлық. Шетелдегі қысқа және ұзақ мерзімді оқу мен стажировкаларды ұйымдастыру; студенттердің, оқытушылар мен қызметкерлердің академиялық алмасуы.

• Халықаралық бағдарламалар мен бастамалар. Білім мен ғылым сапасын арттыруға бағытталған жаһандық білім беру және зерттеу жобаларына қатысу.

• Шетелдік ғалымдарды шақыру. Әлемнің көшбасшы мамандарының қатысуымен дәрістер, шебер-класстар, семинарлар және бірлескен зерттеулер жүргізу.

• Шетелдік студенттер. Шетелдік студенттерге оқуға түсу мен оқудан бастап мәдени бейімделу және студенттік ортаға интеграциялауға дейінгі барлық кезеңдерде қолдау көрсету және көмек көрсету.

• Қос дипломдық бағдарламалар. Студенттерге отандық және халықаралық екі диплом алу мүмкіндігі беретін бірлескен білім беру бағдарламаларын әзірлеу және іске асыру.

• Шетелдік оқытушыларға қолдау. Визалық рәсімдерді реттеу, тіркеу және Қазақстандағы тұру мерзімін ұзарту мәселелерінде көмек көрсету.

• Халықаралық іс-шаралар. Шетелдік серіктестердің қатысуымен конференциялар, форумдар, семинарлар және мәдени кездесулер ұйымдастыру.

• Қорлар мен ұйымдармен ынтымақтастық. Халықаралық қорлармен байланыс орнату, білім беру және зерттеу бастамаларына қатысу, университеттің стратегиялық серіктестер желісін кеңейту.

Біздің миссия

Халықаралық ынтымақтастық орталығы студенттерге, оқытушылар мен зерттеушілерге жаңа көкжиектер ашуға көмектеседі, университеттің халықаралық аренадағы беделін нығайтады және ашық академиялық ортаның қалыптасуына ықпал етеді.