AP19680272 "Абай өңірі ақын-жазушыларының тәуелсіздік дүниетанымы әлемдік ой кеңістігінде (Абай облысы бойынша ақын-жазушылар шығармаларын талдау)"

Тәуелсіздігімізді алғаннан кейін қазақ әдебиетінде, руханиятында үлкен серпіліс жүргені белгілі. Солардың бірі – қазақтың мәдени ұлттық брендін қалыптастыру, қазақты таныту. Қазақ халқының тәуелсіздік кезеңіндегі сөз өнерінің дамуы - ұлттық әдебиет пен мәдениеттің дамуының бір көрінісі.Қазіргі сөз өнері – қазақ әдебиеті мен мәдениетінің алып тірегі мен қадір-қасиетінің, әлемдік әдебиеттегі орнының, өркениетті дамудағы көркемдік сананың көрсеткіші. Ұлт тұтастығы туралы ұлықты ойлар ел тәуелсіздігін алған жылдардан кейінгі батыл айтылып, халықты бірлік, ынтымаққа үндеген өрелі сөздерді ақындар мен жазушылардың шығармаларынан жиі байқауға болады. Мұның өзі өскелең ұрпақты елді, Отанды сүюге шақырған идеологиялық насихат сипатында өріс алып отырды. Тақырыпты зерттеуге деген қажеттілік Семей өңірінің Абай облысы болып қалыптасуынан туындап отыр. Жобаның өзектілігі Абай облысындағы ақын-жазушылардың әдеби бай мұрасы мен әдеби тұлғаларның өмірі мен шығармашылығын зерттеп, шығармаларын жинастыру, идеясы мен көркемдігін таныту болып табылады. Себебі қазіргі таңда жаңадан қалыптасқан облыстың рухани-әдеби болмысын анықтауда өңірлік ақын-жазушылардың сөз өнеріндегі «Тәуелсіздік дүниетанымы» идеясын негізге ала отырып, кешенді ғылыми зерттеулер жүргізу – қоғамды жаңғыртудағы кезек күттірмейтін мәселелердің бірі. Тәуелсіздік кезеңі қазіргі сөз өнеріне қандай жаңалық әкелді, қандай жаңа есімдерді танытты деген сұрақтар кез келген әдебиеттанушыны толғандырады. Біз өз жобамызда өлкеміздің тәуелсіздік кезеңіндегі сөз өнерін кешенді зерттеу объектімізге ала отырып, аталған мәселелердің шешімін табуға тырысамыз.

Абай облысы ақын-жазушыларының тәуелсіздік кезеңіндегі рухани-әдеби мұрасын жинақтау, талдау, кешенді зерттеу арқылызаманауи тұрғыда кең көлемде насихаттау.

- Қазіргі сөз өнері және тәуелсіздік дүниетанымын (Абай облысы бойынша ақын-жазушылардың шығармашылығын талдау) ғылыми тұрғыдан кешенді зерттеу нәтижелері бойынша Web of Science базасының Social Science Citation Index немесе Arts and Humanities Citation Index индекстелетін немесе Scopus базасындағы CiteScore бойынша 35 (отыз бес) процентильге ие рецензияланатын ғылыми басылымда 1 мақала; БҒСБҚК ұсынған рецензияланатын шетелдік және отандық басылымда 2 мақала әзірлеу;
- Абай облысынан шыққан ақын-жазушылардың антологиялық жинағын әзірлеу;
- «Абай облысынан шыққан ақын-жазушылардың Web-қосымшасын жобалау және құру», ғылыми жаңа, тың деректермен толықтыру.
- Абай облысынан шыққан ақын-жазушылардың шығармалары негізінде лингвистикалық сөздік құрастыру.
- Абай облысынан шыққан ақын-жазушыларының көркем поэтикасына монографиялық еңбек әзірлеу.