Студенттердің ғылыми-зерттеу жұмысы оқу жылы ішінде келесі негізгі бағыттар бойынша жоспарланады және жүргізіледі:
ғылыми рефераттар дайындау, оқытушылармен бірлесіп ғылыми мақалалар жариялау;
кафедраларда ғылыми жобаларды, дипломдық жұмыстарды, сондай-ақ ҒЗЖ элементтерімен жұмыстарды орындау;
ғылыми студенттік конференцияларға, семинарларға, конкурстар мен олимпиадаларға қатысу;
ғылыми қоғамдарға мүшелік.
Студенттердің ғылыми-зерттеу жұмыстарын ұйымдастырудағы университеттің негізгі міндеті олардың дайындық деңгейін ескере отырып, оларды шығармашылық қызметтің әртүрлі формаларына сараланған түрде тарту арқылы шешіледі және орындалады.
Университет студенттері өздерінің болашақ мамандықтарын игеруге, ғылыми-зерттеу жұмыстарымен айналысуға тамаша мүмкіндіктерге ие. Студенттердің қарамағында заманауи жабдықтармен жабдықталған оқу және ғылыми зертханалар, қол жетімді Internet, компьютерлік сыныптар, миллионға жуық кітап қоры бар ғылыми кітапхана.
Білім алушылар кафедра ғалымдары жүргізетін қолданбалы зерттеулерді әзірлеуге бірлесіп орындаушы ретінде жүйелі түрде тартылады. Студенттердің ҒЗЖ нәтижелері мақалалар жариялау, қорытынды жұмыстарды дайындау, конференцияларда сөз сөйлеу, стартап-жобалар конкурстарына қатысу үшін пайдаланылады.
Студенттерді ғылыми-зерттеу жұмыстарына тарту мақсатында университет кафедраларында ғылыми қызығушылықтар бойынша бірлестіктер жұмыс істейді. Олармен айналыса отырып, студенттер өздерінің біліктілік бағыттары бойынша ғылыми ізденіс пен жұмыс дағдыларын меңгереді.
Университет базасында өткізілетін халықаралық және республикалық конференциялар, ғылыми-тәжірибелік семинарлар, пәндік олимпиадалар, жеңімпаздарын ынталандыратын түрлі бағыттар бойынша конкурстар жастарды ғылымға баулудың стимулына айналды.