Университеттік менеджмент – жаңғыртудың формуласы
Жалпы, университетті жаңғырту туралы айтқанда, әдетте инфрақұрылым, зертханалар, рейтингілік көрсеткіштер еске түседі.
Алайда кез келген трансформацияның іргетасы – бұл менеджмент, яғни команда, кәсібилік, тез өзгеретін жағдайда шешім қабылдай білу. Міне, біз осыдан бастаған болатынбыз.
Shakarim University-дің ұйымдық құрылымы мен кадр саясаты
Соңғы екі жылда Шәкәрім университетінде түбегейлі өзгерістер орын алды. Біз факультеттік ескі жүйеден бас тартып, 3 Зерттеу мектебі мен 5 Жоғары мектеп құрылымына өттік. Бұл икемді және ашық басқару жүйесін қалыптастыруға мүмкіндік берді.
Кадр – стратегиялық капитал
2024 жылдың ақпан айында Президенттік кадрлық резерв форумында сөйлеген сөзінде Мемлекет басшысы басты мақсат – өңірлерде кәсіби кадрлық резервті қалыптастырудың маңызын атап өткен болатын.
Біз өз бағытымызды нақты анықтадық: жергілікті кадрларға басымдық беріп, академиялық әлеуетті арттыруды мақсат еттік.
Нәтиже көз алдымызда:
-Жас оқытушылар мен science professor-лардың үлесі 8%-дан 39%-ға дейін артты.
-Басшылық құрамының орта жасы 53 жастан 39 жасқа дейін төмендеді.
-Жаңа science professor лауазымы енгізілді.
-Зерттеу мектептері мен ішкі кадрлық саты бағдарламасы құрылды:
түлектердің 0,1%-ы жыл сайын университет қызметкері атанып, олардың 37%-ы бүгінде құрылымдық бөлімшелерді басқарып отыр.
Биылғы жылдан бастап "зерттеуші" атты жаңа санат енгізілді.
Бұл — зерттеу университеті дәрежесіне қадам басып келе жатқанымыздың нақты дәлелі.
Рейтингтер және Good Governance
Басқару моделін жаңғырту нәтижесінде университетіміз халықаралық деңгейде жоғары бағаланды:
-Тарихта тұңғыш рет QS World University Rankings тізіміне (топ-1501) ендік.
-QS Asia University Rankings рейтингінде 601–650 орыннан 501–520 орынға көтерілдік.
-QS Stars жүйесінде негізгі бағыттар бойынша 5 жұлдызға ие болдық.
-"Good Governance" критерийі бойынша әлемдік рейтингте 416-орынға тұрақтадық.
Тұрақты даму рейтингтерінде де оң өзгерістер байқалды:
-QS Sustainability Rankings және THE Impact Rankings рейтингтеріне алғаш рет кірдік (12 БҰҰ тұрақты даму мақсаты бойынша).
-GreenMetric рейтингінде бірден 150 орынға жоғарыладық.
Инфрақұрылым – жаңғыртудың өзегі
Біз инфрақұрылымды жаңартуды тек жөндеу жұмысы деп емес, жүйелі процестің бір бөлігі деп қабылдадық.
Мынадай нысандар қайта жаңғыртылды:
-Биозертхана
-Оқу-өндірістік база
-Бұрынғы асхана – бүгінде коворкингке айналған «ЖасStar» орталығы.
-Жатақханаларда жеделсатылар, инженерлік желілер, жарық жүйесі жаңартылды
-Жас оқытушыларға тұрғын үй қоры құрылды
-Спортзалдар мен бассейн толық жаңғыртылды
-Business School коворкингі, подкаст-студия ашылды
Нәтиже – жайлы және технологиялық орта қалыптасып, студенттер мен серіктестердің сенімі нығайды.
Ғылым және жобалар
Университет ғылым саласындағы позициясын нығайтты.
-Тағам қауіпсіздігі, құрылыс материалдары, ветеринарлық санитарлық экспертиза зертханалары ашылды
-Профессорлық-оқытушылар құрамының 40%-ы гранттық жобаға қатысады
-Ғылыми жобаларды қаржыландыру алғаш рет 6 млрд теңгеден асты;
-Шәкәрім университетінің хабаршысы 4 бағыт бойынша КОКСНВО тізіміне енді;
-6 жаңа журнал ашылды;
-"Шәкәрім" ғылыми-танымдық журналы қайта жаңғыртылды
-2025 жылы 17 доцент атағы берілді (2022 ж. – тек 1)
AI-Sana және цифрлық бастамалар
-AI Check және Admission Bot енгізілді
-Студенттер 100% Coursera, Huawei, Astana Hub платформаларында ЖИ курстарынан өтті
-Университетті басқарудың цифрлық жүйесі (дашборд) енгізілуде
Зияткерлік инфрақұрылым және хабтар
Құрылған Innovation Hub мыналарды қамтиды:
-Инжиниринг орталығы (машина жасау, агро, материалтану)
-Shakarim Lab (агрохимия, студенттік стартаптар)
-Агротехнопарк (биологиялық қауіпсіздік, ветеринария, тағам сараптамасы)
-Геотехникалық және құрылыс материалдары зертханасы
Өндірістік серіктестік және халықаралық консорциумдар
-Xi’an Jiaotong University (QS 295) – 5,3 млрд теңгелік электрлік автоматтандыру зертханасы
-Қытайдың NWAFU және Польша, Түркия сауда компанияларымен серіктестік
Осылайша Университет жаһандық ғылыми-технологиялық тізбектің бір бөлігіне айналып келеді.
Жаңғырған кампус – болашақ көшбасшылардың ордасы
Кампусқа жүргізілген жөндеу жұмыстары – бұл жай ғана ескі ғимараттарды жаңарту немесе қабырғаларды сырлау емес. Бұл – университеттің рухани, ғылыми және әлеуметтік өмірінің өзегін жаңғырту.
Бүгінгі күні кампус – тек білім алатын орта емес, бұл – ғылыми жаңалықтар ашуға, шығармашылық идеялардың тууына, заманауи зерттеулер жүргізуге арналған зияткерлік кеңістік.
Мұнда әрбір аудитория – сапалы білім беруге, әрбір зертхана – тың жаңалықтар ашуға, ал әрбір демалыс аймағы – қауіпсіз әрі жайлы өмір сүруге жағдай жасайды.
Жаңарған оқу ғимараттары – студент үшін жай ғана оқу орны емес, толыққанды өмір сүруге, өсуге және өзін-өзі дамытуға мүмкіндік беретін орта.
Оқытушылар үшін бұл – тиімді жұмыс істеуге, кәсіби дамуға және ғылыммен айналысуға арналған инфрақұрылым.
Серіктестер үшін – сенімді, заманауи, болашағы бар жоғары оқу орнының айқын бейнесі.
Жоғарыда айтылғандарды қорытындылай келе, басты мақсат – атқарылған нақты істерді көрсетіп қана қоймай, олардың жүйелі, стратегиялық сипатқа ие екенін бекіту.
Бұл жұмыстар – уақытша науқан емес, бұл – университеттің дамуының жаңа дәуіріне жасаған батыл қадамы.
Жасалған өзгерістер – бүгінгі күннің жетістігі ғана емес, ертеңгі табыстардың берік іргетасы.
Біздің аймақтық университет ретіндегі миссиямыз қандай?»
Біз өңірге тек дипломы бар түлектерді ғана емес, нақты экономикалық, ғылыми, білім беру және технологиялық міндеттерді шеше алатын білікті кадрларды даярлауымыз керек.
Shakarim University кадрлық әлеуетті дамытуда келесі формула бойынша жұмыс істейді:
Топ (команда) → Инфрақұрылым → Жобалар → Өңір мен елге берілетін нәтиже.
Түптеп келгенде, басқару дегеніміз — тек басшылық ету емес, шабыт беру, бір мақсатқа жұмылдыру, жауапкершілік алу, шешім ұсыну.
Біз дәл осы жолмен Shakarim University-ді жергілікті университеттен халықаралық деңгейге шығаруға бар күш-жігерімізді жұмсап келеміз.
Shakarim University ректоры Думан Орынбеков