АР27508635 «Қазақстандағы сиыр етін өндірудің бәсекеге қабілеттілігін талдау: АҚШ-та қолданылатын тәсілдермен бірге еттің сапасы, қауіпсіздік стандарттары және қаңқа параметрлерін салыстыру»

Сиыр етін өндіру ғылым мен технологияның қарқынды дамуының арқасында бәсекеге қабілетті болуда. Қазақстан кең жері мен бай ресурстарының арқасында сиыр етін өндіруде Бразилиямен салыстыруға келетін әлемдік көшбасшы болуға әлеуеті бар. Елдегі сиыр етін өндіру 2030 жылға қарай 50%-ға өседі деген болжау, экспортқа мүмкіндік ашады. Сондықтан жобаның мақсаты – Қазақстандағы сиыр етін өндірудің бәсекеге қабілеттілігін бағалау, сиыр ұшасының сипаттамаларын, ет сапасын, сақтау мерзімін және қауіпсіздігін әлемдегі ең үздік және танымал ет өндірісінің жүйелерінің бірі саналатын АҚШ өнімдерімен салыстыру. Зерттеу нәтижелері үкіметке, жергілікті өндірушілерге және шетелдік инвесторларға ет өндірісі саласында ғылыми деректер негізінде шешім қабылдауға мүмкіндік береді. Әдебиеттерді шолу көрсеткендей, осы уақытқа дейін Қазақстанда өндірілетін сиыр етінің сапасы мен қауіпсіздігін халықаралық нарықта жоғары бәсекеге қабілеттілігі бар қандай да бір басқа елдердің өнімдерімен салыстыратын зерттеулер жүргізілмеген. Ұшаның салмағы, майдың таралуы және еттің шығымдылығы сияқты сипаттамаларды бағалау арқылы біз өндірістік жүйелердің салыстырмалы артықшылықтарын терең түсініп, анықтаймыз. Тұтынушы тұрғысынан еттің сапасы, сақтау мерзімі және қауіпсіздігі негізгі аспектілер болып табылады. Жоба нәтижелері Қазақстандағы сиыр етін өндіру жүйелерінің күшті және әлсіз жақтарын анықтауға және қазақстандық сиыр етінің халықаралық стандарттарға және тұтынушылардың күтуіне сай келетін-келмейтінін бағалауға көмектеседі. Зерттеу пән аралық әдістерді пайдалана отырып жүргізіледі, ал қазақстандық зерттеушілер АҚШ-тың әріптестерімен ынтымақтаса жұмыс істейді, бұл деректерді жинау, тәжірибе жасау және талдау саласында тәжірибе алмасуға мүмкіндік береді.

Бұл жобаның негізгі мақсаты – Қазақстан мен АҚШ-тың сиыр еті ұшаларының сипаттамаларын, сондай-ақ еттің сапасы мен қауіпсіздігін зерттеп, салыстыру арқылы Қазақстанның ет өнеркәсібін қолдауға қажетті деректерді қалыптастыру. Зерттеу нәтижелері үкіметке, жергілікті өндірушілерге және әлеуетті инвесторларға сиыр етін өндіру бойынша саналы шешімдер қабылдауға көмектесетін ғылыми негізделген ақпарат ұсынады.

Web of Science базасының Science Citation Index Expanded индекстелетін және (немесе) Scopus базасында CiteScore бойынша 50-тан (елу) кем емес процентилі бар рецензияланатын ғылыми басылымдарда жобаның ғылыми бағыты бойынша кемінде 2 (екі) мақала және (немесе) шолу жарияланады;

ҒЖБССҚК ұсынған басылымдар тізбесінің 1-ші Тізіміне немесе 2-ші Тізіміне кіретін отандық немесе шетелдік ғылыми басылымда кемінде 2 (екі) мақала немесе шолу жарияланады.