AP26198515 «Ет өндірісінде қалдықсыз технология негізінде қосымша ет шикізаттарын тиімді пайдалану, тамақтық қауіпсіздігін қамтамасыз ету және бизнес жоспарын құру».

Қазіргі уақытта қосымша шикізаттар кәсіпорындарда кәдеге жаратылмай, қалдық ретінде төгілуде. Бұл жобада, қалдықсыз технологияны пайладану негізінде қосымша шикізаттарды негіздей отырып ет өнімдерін алу, олардың экономикалық тиімділігін қамтамасыз ету көзделген.

Қалдықсыз технологиялар негізінде қосымша ет шикізаттарын тиімді пайдалану арқылы жаңа табиғи ет өнімдерін өндіру, оларға кешенді зерттеу жүргізу, тағамдық қауіпсіздігін дәлелдеу және экономикалық тиімділігін талдау нәтижесінде бизнес-жоспар құру.

1) Жоба барысында жасалған ғылыми жұмыстардың қорытындысы бойынша - Web of Science базасында импакт-фактор бойынша 1 (бірінші) не 2 (екінші) квартильге кіріп, Science Citation Index Expanded-те индекстелетін және (немесе) CiteScore бойынша Scopus базасында 65-тен (алпыс бес) кем емес процентилі бар рецензияланатын ғылыми басылымдарда кемінде 2 (екі) мақала немесе шолу; ҒЖБССҚК ұсынған рецензияланатын шетелдік және (немесе) отандық басылымда кемінде 2 (екі) мақала немесе шолу жарияланады; Жарияланатын мақалалардың біреуі Қазақстан экономикасының нақты секторындағы кәсіпорындардың міндеттері бойынша multidisciplinary (мультидисциплинарлық немесе пәнаралық практикалық қолдану) санатын қамтиды, сондай-ақ жобаның нәтижелері конструкторлық құжаттамалардың бірыңғай жүйесі (бұдан әрі - КҚБЖ) бойынша дайындалған жобалау-конструкторлық құжаттама қамтылады.

2) шетелдік және (немесе) қазақстандық баспалар кітаптарында монографияларды, кітаптарды және (немесе) кітаптардағы тарауларды жариялау қарастырылмаған;

3) шетелдік (еуропалық, американдық, жапондық) патенттік бюродан, қазақстандық немесе еуразиялық патенттік бюродан патенттер алу қарастырылмаған;

4) Жобада зерттеу жұмыстарының нәтижесінде алынған табиғи таза өнімдердің тамақ қауіпсіздігін бақылау жүйесін ұйымдастыру бойынша нормативтік-техникалық құжаттамалар әзірлеу қарастырылған. Абай облысының кәсіпкерлер палатасымен бірлесе отырып, экономикалық тиімді бизнес жоспар құрылады, «Дария» шұжық цехында жаңа табиғи ет өнімдеріне аппробация жасау үшін келісім шарт жасалады.

5) Әлеуетті пайдаланушылар, ғалымдар қоғамдастықтары және қалың жұртшылық арасында жұмыс нәтижелерін тиімді тарату үшін ғылыми журналдарда басылымдар, техникалық нұсқаулықтар мен есептер және әлеуметтік желілер қолдану арқылы жүзеге асатын болады.

6) конкурстық құжаттаманың талаптарына және жобаның ерекшеліктеріне сәйкес басқа да өлшенетін нәтижелер. Бөлімде:

1) тұтынушылар арасында ғылыми қауымдастықтар, өндірістік кәсіпорындар мен кәсіпкерлер, сондай-ақ жастар мен білім алушылар бар. Жобаның тиімділігі мен әлеуеті осы нысаналы тұтынушылардың қажеттіліктерін қанағаттандыратын болады;

2) жобаның күтілетін нәтижелері ғылым мен технологиялардың әртүрлі бағыттары тағам қауіпсіздігі мен экология, қалдықсыз технология, экономиканы дамытуға және олардың сабақтас салаларында прогреске қол жеткізуге ықпал ететін болады;

3) жобаның нәтижелері негізінде дайындалған бизнес-жоспарды жергілікті кәсіпкерлерге ұсыну арқылы коммерцияландыру мүмкіндігі бар;

4) ғылым және өндіріс саласы қызметкерлерінің біліктілігін одан әрі арттыру және арнайы білім саласын кеңейту және жас мамандарды (магистранттар мен докторанттарды) даярлаудың тиімді бағдарламасын іске асыру мақсатында жаңа технологияларға, білім мен құзыреттерге негіз жасайды, сондай-ақ бағдарламаның ерекшелігі отандық ғалымдардың сондай-ақ Шәкәрім университетінің ғалымдарының ғылыми-зерттеу жұмыстарына талдау жүргізіп, қалдықсыз технологиялар негізінде қосымша шикізаттарды пайдалана отырып жаңа табиғи таза ет өнімдердін ұсынатын болады. Университет білім алушылары бұл жобада өндіріс процесіне араласып, тәжірибелік дағдыларын жетілдіреді;

5) жобаның нәтижелері тек ғылыми тұрғыдан ғана емес, оның әлеуметтік-экономикалық және экологиялық әсері тұрғысынан да айқын көрінеді. Жобаның тікелей және жанама нәтижелері, олардың сапалық және сандық сипаттамалары, сондай-ақ олардың күтілетін әсері табиғи ет өнімдері өндіріледі, қалдықсыз технологоиялар негізінде өндіру, өнімділікті 25-30 пайызға арттырады, жаңа жұмыс орындары құрылу ықтималдылығы бар. Жобаның зерттеу жұмыстары нәтижесінде ғылыми мақалалар жарияланып, ғылыми-техникалық құжаттамалар дайындалады.

Зерттеу процесіне жас мамандар мен PhD докторанттар және магистранттар белсенді қатысатын болады.